Ang tunay na trabaho ng isang kongresista ay gumawa at magpasa ng batas na ikabubuti ng sambayanang Pilipino. Maswerte lang talaga ang mga taga-Olongapo at unang distrito ng Zambales sapagkat napakaraming iba’t ibang proyekto ang isinasagawa ni Maria Milagros H. Magsaysay o mas kilala bilang “Mitos” bukod pa sa paggawa ng batas. Alam na ng mga tao ang husay ng serbisyo ni Mitos sa kanyang mga kababayan, kaya naman silipin naman natin ngayon ang mga inisponsor at natulungan maipasa ng ating mahal na kongresista.

Narito ang mga batas na si Mitos mismo ang gumawa ngunit kasalukuyan pang ipinapasa:

PANG-EDUKASYON

Ang mga batas na inisponsor sa itaas ay patunay sa pagpapahalaga ni Mitos sa kinabukasan ng ating mga anak. Gusto kasi ng ating kongresista na maitaas ang karunungan ng mga tao di lamang sa kanyang distrito ngunit sa buong Pilipinas para hindi na mag hirap ang mga Pilipino. Alam nating lahat na karamihan ng ating mga kababayan ay walang kakayahan mag-aral ng kolehiyo dahil sa kahirapan ng buhay, kung bibigyan sila ng pagkakataon na utangin ang kanilang pang-matrikula at bayaran nalang pag nagkatrabaho nasila mas marami ang magkaka-oportunidad magkaroon ng mas magandang kinabukasan kung maipapasa ang HB 02642. Ang layunin ng HB 03123 ay para bigyan ang ating mga guro ng mas mataas na pasahod dahil alam naman natin na kapus nakapos ang kanilang sahod para mabuhay ngayon Kaya pati mga titser ay dapat alagaan sapagkat sila ang gumagabay sa ating mga magiging susunod na henerasyon. Hindi naman ito nakagugulat sapagkat alam naman nating pinahahalagahan talaga ni Mitos at maging ang kanyang am ang si dating gobernador Vic “Govic” Magsaysay ang edukasyon kaya gusto rin ni Mitos mapasa ang HB 02643 at HB 05655 dahil nakita natin na mas magiging mas madali para sa mga lokal na pamahalaan na magtayo ng mga paaralan katulad sa Zambales.

PANTRABAHO

Alam naman nating lahat na libo-libong trabaho ang nabibigay ng mga locator sa SBMA sa bayan ng Olongapo at Zambales. Ngunit napakaraming mga tao ang nanunubok manggulo rito sapagkat hindi sila ang nakaupo rito. Kaya naman gumawa ng mga batas si Mitos na pumoprotekta sa mga locator na hindi lamang hanap buhay ang ibinibigay, ngunit pati turismo na nakapag-papasok ng dolyar sa ating bansa. Dapat ingatan natin ang relasyon at kontrata natin sa mga locator dahil kung maayos at tahimik silang nagnenegosyo sa ating bansa ,sila na mismo ang maghihikayat sa mga kapwa negosyante na mag-invest sa ating bansa.

PANG-LALAWIGAN

Ito ang batas na magpapaangat sana sa IRA ng munisipalidad ng Subic, Kapag ito ay natupad, dadami ang pondo ng ng Subic na maaari nang maidagdag sa mga local na proyekto na makatutulong di lamang sa mga tao rito ngunit sa pag unlad rin ng buong probinsya.

PANG LUPAIN

Alam naman natin na habang tumatagal ay dumarami na rin ang naninirahan sa Olongapo City at Zambales at karamihan sa kanila ay wala pang titulo ng lupa sapagkat ang klasipikasyon ng kanilang lupa ay timberland o military reservation. Kung maisasaayos ng DENR ang mga lupain na ito at maging alienable at disposable land na puede ng mapatitulohan ang mga lupain ng mga kababayan natin.

Narito pa ang mga ibang batas na ipinapapasa ni Mitos:

CO-SPONSORSHIP

Narito naman po ang mga bills na naipasa na bilang batas na nag co-sponsor o tumulong sa paggawa at pagpasa si Mitos Magsaysay:

Mga Naipasa Bilang Batas ng Republika ng Pilipinas

PANG KARAPATANG PANTAO

Ang ibig sabihin po ng batas na tulungang isulong ni Mitos ay dapat hindi tratuhin bilang nasamay-edad na criminal ang mga batang nagkasala sa harap ng batas. Sa murang edad ay dapat silang tulungnang mabigyan ng direksyon sa buhay at di dapat hayaang mahalo sa mga kriminal na maaari silang maimpluwensyahan o kaya naman ay mapasok sa panganib.

Dahil rin sa tulong ni Mitos Magsaysay ay hindi na maaaring maging parusa ang pag-kitil ng buhay sa mga criminal. Ang buhay ay likha ng Panginoon kaya siya rin lamang ang may karapatang bumawi nito. Kita naman sa mga programa nila Mitos at Govic na sila ay pro-life o para sa ikabubuti ng kalidad ng buhay ng mga tao. Kaya naman kahit anung sumasalungat rito ay hindi nila pinahihintulutan.

Ang resolusyon na mga ito na kaagabay si Mitos sa pagpasa ay talaga nga namang kinakailangan dahil napakarami nang mga Pilipino ang na-harass ng mga Amerikanong sundalo sa loob ng Subic Bay Metropilitan Authority o SBMA. Ang kaso ni Nicole ang nagging batayan para sa resolusyong ito.Binibigay ng resolusyon na ito ang karapatang ipaglaban ni Mitos ang mga naaaping kababaihan sa loob ng SBMA. At dahil dito, hindi na maaaring isnabin ang mga taong na-harass sexually na nais humihingi ng hustisya sa pamahalaan.

PANG-BARANGAY

Isa si Congresswoman Magsaysay sa mga tumulong para mapahaba ang panunungkulan ng mga barangay leaders at sangguniang kabataan hindi lamang sa Olongapo at Zambales ngunit sa buong Pilipinas. Ito ay dahil may national at local elections ng May 2007. Dahil dito, lubos ang pasasalamat ng lahat ng mga kapitan at kagawad at SK kina Mitos sapagkat maaari pa nilang maituloy ang kanilang pagserbisyo sa kani-kanilang lugar.

PANG-BUROKRASYA

Milyon-milyong mga Pilipino na ang nahihirapan sa pagkuha ng mabilis at de-kalidad na serbisyo sa gobyerno. Kaya naman si Mitos ay tumulong magtulak ng batas na kikitil sana sa pang-iipit sa mga nangangailangan. Nais rin nito alisin ang pangongotong ng ilang mga trabahador ng gobyerno na ugaling mang-ipit ng mga tao kapag hindi nabigyan ng “lagay”.

Malaki ang maitutulong ng resolusyong ito sa mga taong bumabiyahe ng North Luzon Expressway o NLEX sapagkat nais nitong manmanan kung maaaring bawasan ang mga singil nito sa mga manlalakbay. Pag nakitang maaari naman bawasan ang singil ay mas magmumura ang mga pampublikong transportasyon. Maaari na rin makapag-deliver ng mga produktong galing Olongapo, Zambales at iba pang mga lugar sa norte na mas mura.

PANGKALUSUGAN

Sa dinami-dami nang mga napabunot at napapustiso ni Mitos sa kanyang mga medical mission, siguro naman ay tama lang na gumawa siya ng batas na iiwas sa mga kumplikasyon ng ngipin. Siguro naman ay kung inaalagaan na ng mga dentista ang mga ngipin ng mga tao ay di na nila\kailangan magpbunot at magpapustiso. Ang masakit na ngipin ay malayo sa bituka ngunit kung di makakakain ay magkakaproblema rin sa bituka di po ba?

Ang mga ibang mga batas na naipasa katulong si Mitos

Mga Batas na Pinasa na at Kulang Nalang ng Lagda ng Pangulo

Ito ang numero-unong hinanakit ng mga karaniwang tao na nagpupuntang ospital. Kung tawagin nga ang isang napakalaking ospital sa Olongapo ay “semi-private” sapagkat pampunliko siya ngunit pahirapan naman makakuha ng serbisyo ang mga walang pera rito. Nagmimistulang pribado na tuloy ang ospital na sana’y para sa ikabubuti ng kalusugan ng mga taga munisipalidad nito.

Kung malagdaan na ni Pangulong Aroyo ang batas na talagang sinikap tulungang maipasa ni Mitos, HINDI na maaring magkulong o mag-hostage ng pasyente sa kahit anung ospital sa Pilipinas nang dahil lamang sa hindi pagbayad. Dito na rin maglalabasan ang mga ospital na talaga nga namang pinopondohan ng totoo ng mga local na opisyal at maaaring matawag na “public hospital”. At kung magkataon nga na ito’y suwayin ng ospital, sila ay makatatanggap ng parusa. Kaya ngayon ay magkakaroon na rin ng hawak na alas ang mga maralita kapag sila’y inabuso ng mga “hospatay” na mga ito.

Mga Batas na Pinasa na sa Kongreso ngunit Hindi pa sa Senado

PANGKALUSUGAN

Ang batas naman na ito ay para naman sa mga doctor ng mga ospital. Kapag napasa na ito , hindi na hadlang ang hindi pagbayad ng pasyente sa ospital sa pagtanggap ng sweldo ng doktor. Kaya naman hindi na nila kailangan mag-isnab ng pasyente ng dahil maralita ito. Mayaman man o mahirap ay dapat niyang asikasuhin sapagkat wala na siyang katalo-talo rito.

PANG-EDUKASYON

Sa Buong Asya, ang mga Pilipino ang pinaka “literate” o nakaiintindi ng wikang Inggles. At kapag ang HB 02846 ay naipasa mas huhusay pa ang mga Pilipino sa Inggles. Dahil dito, mas kukunin ng mga banyagang kumpanya ang mga Pilipino sapagkat walang “language barrier” mapa-lokal man o abroad ang ninanais na trabaho.

Ang ibang batas na napasa sa kongreso katulong si Mitos na ipinapasa pa sa Senado

Mga Batas na Kasalukuyang Pinagdedebatehan sa Kongreso

PANGKALUSUGAN

HB02829
Full Title:	AN ACT PROVIDING FOR THE INCLUSION OF THE SUBJECT ON DRUG AWARENESS AND PREVENTION IN THE SCHOOL CURRICULA OF ALL ELEMENTARY AND SECONDARY SCHOOLS

Droga ang isa sa mga malalaking salot sa ating lipunan. Kaya naman nais ni Mitos tumulong ipasa ang subhetong “drug awareness” sa mga paaralan para malaman ng mga estudyante ang epekto nito at kung paano ito manira ng buhay. Inilalapit kasi ang droga ng mga pusher bilang isang gamot na magbibigay ligaya, ngunit hindi nila binabanggit ang nakasisira’t nakamamatay na epekto nito.

Makikita namang lubusang pinahahalagahan ni Mitos Magsaysay at pati ng kanyang amang si dating gobernador Vic “Govic” Magsaysay ang edukasyon. Bukod sa mga napakagagandang paaralan na ipinatayo sa buong Zambales, mayroon pa silang mga “full scholar” sa Olongapo at Zambales. Kailangan pong banggitin ang “full” sapagkat mayroong ibang mamimigay lamang ng maliit na halaga tapos sasabihin na nilang nagpapa-iskolar sila. Ang iskolar ni Mitos at Govic ay walang ibinabayad sa kanilang mga pinapasukan. Talagang libre. Ngayon naman po, nais naman magpasa ng ating napakagaling na Congresswoman ng batas upang halos ma-doble ang sahod ng guro. Tapos sa ilalim ng ipinapasang batas na ito, maaari nanamang itaas ang sweldo matapos ang limang taon. San ka pa?

Ang trabaho ng prinsipal ay hindi biro. Kaya naman sinusubukang ipasa ang HR01272 dahil kailangan ng prinsipal ngkatulong sa pagpapatakbo ng paaralan.

Sino ba ang mga pulitiko noong 1988 at inalis nila ang benepisyo ng prinsipal? Maliit na nga lang ang sweldo nila tapos babawasan pa ng benepisyong magagamit nila sa pang araw-araw na pagtrabaho. Kaya nais ni Mitos maibalik ang RATA ng mga prinsipal para gumaan ang kanilang mga buhay kahit kaunti. Pag naipasa ito, baka pwede namang magpasa ng batas na magbibigay rin ng “transportation allowance” sa mga guro.

Sa ngayon, isang beses lamang sa isang taon ang examen para sa mga nagnanais maging guro. Gusto sana ni Mitos at ng kanyang mga kasama sa kongreso na nagtutulak sa batas na ito gawing “bi-annual” o dalawang beses sa isang taon para naman mas bumilis ang pagkuha ng mga nagnanais mag-guro ng kani-kanilang mga lisensya.

PANG SENIOR-CITIZEN

HB00602
Full Title:	AN ACT TO GRANT MONTHLY PENSION TO GOVERNMENT RETIREES UNDER REPUBLIC ACT NO. 1616 WHO HAVE REACHED THE AGE OF SEVENTY-FOUR (74), APPROPRIATING FUNDS THEREFOR AND FOR OTHER PURPOSES

PANG MORALIDAD

HB01185
Full Title:	AN ACT PROHIBITING PUBLIC EXHIBITION OR DISPLAY OF OBSCENE AND/OR DISTRACTIVE MOTION OR STILL PICTURES ALONG MAJOR THOROUGHFARES

PAMPOPULASYON

HB03773
Full Title:	AN ACT PROVIDING FOR AN INTEGRATED AND COMPREHENSIVE NATIONAL POLICY ON RESPONSIBLE PARENTHOOD, POPULATION MANAGEMENT AND HUMAN DEVELOPMENT, CREATING A RESPONSIBLE PARENTHOOD AND POPULATION MANAGEMENT COUNCIL, AND FOR OTHER PURPOSES

PANGKALUSUGAN

HB03830
Full Title:	AN ACT REGULATING DRUG PRICES, CREATING FOR THE PURPOSE THE DRUG PRICES REGULATION BOARD, DEFINING ITS POWERS AND FUNCTIONS, AND PROVIDING FUNDS THEREFOR
Short Title:	Drug Prices Regulation Act of 2005

Pag ang batas na ito ay napasa, panalo ang taumbayan. Kung ang pasyente ang bibili ng gamut mas makamumura siya sa abot-kayang halaga. At kung ito naman ay isosponsor ng mga pulitiko para sa kanilang mga medical mission at ospital, mas mrami silang gamot na makukuha sa budget na kanilang inilaan para dito—mas maraming gamut, mas maraming tao ang magagamot.

HR00226
Full Title:	RESOLUTION DIRECTING THE COMMITTEES ON HEALTH AND APPROPRIATIONS TO CONDUCT A JOINT INQUIRY, IN AID OF LEGISLATION, INTO THE DEPLORABLE CONDITION OF GOVERNMENT HOSPITALS AND ITS CONSEQUENCES ON THE COUNTRY'S LARGELY POOR POPULATION BECAUSE OF THE MINUSCULE BUDGET ALLOTED TO HEALTH AND TO MAKE THE NECESSARY RECOMMENDATIONS TOWARDS ADDRESSING THE PROBLEMS OF THE AILING PUBLIC HEALTH CARE SYSTEM SO AS TO ENSURE AFFORDABLE HEALTH SERVICES FOR THE POOR
Short Title:	Deplorable Condition of Government Hospitals

Sa Zambales noong si Govic pa ang nakaupo ay hindi naging problema ang kondisyon ng mga ospital na naipatayo niya. Talagang inalagaan niya ang mga ito at sinikap niyang maging kasing ganda ito ng St. Luke’s Hospiyal sa Maynila. Ngunit tumutulong naman si Mitos na maipasa ang batas na ito sapagkat hindi lahat ng ospital ng gobyerno ay kasing ganda ng mga naipatayo ni Govic. At kung hindi alagaan ang mga ipinatayo ng ating dating mahal na gobernador, kailangan talagang paipapasa ang HR0026 para mapagtuonan ng pansin ang maaaring mapabayaan na ospital ng bagong namumuno.

KARAPATANG PANTAO

Alam naman nating lahat na hindi kampi sa administrasyon ang mga party-list na Bayan Muna, Anakpawis, Gabriela at iba pa. Ngunit kahit ganito, naniniwala si Mitos at ang kanyang mga kaalyado sa kongreso na dapat matigil ang pagpatay, paghuli ng illegal at pagharass sa mga lider ng mga nasabing grupo. Mashado nang maraming buhay ang nawala nang dahil lamang sa pulitika, kaya naman dapat ay paipasa ang HR00728 upang matigil na ang pagmamaltrato sa mga party-list na ito.

HB05283
Full Title:	AN ACT REGULATING THE OPERATION OF CELLULAR MOBILE TELEPHONE SERVICES TO PROTECT THE RIGHTS OF CELLULAR PHONE SUBSCRIBERS
Short Title:	"Cellular Phone Subscribers Protection Act of 2005."

Halos lahat ng mga Pilipino ay may cellphone. Ngunit maraming nagiging problema mapa-prepaid man, pasaload, post-paid o monthly bill. Maraming mga inaawas sa load na hindi naman alam kung papaano nangyari. Nagkakaroon ng pagtaas ng serbisyo gaya ng unlimitext nang walang pakundangan. Kaya pag naipasa ito bilang batas, hindi na dapat tayo mamroblema sa mga hassle na ito sapagkat hindi na nila tayo maaaring bulagain ng pagtaas ng presyo o kung anuman dahil protektado na tayo bilang kunsumer.

PANGKABABAIHAN

PANG BUROKRASYA LABAN SA KORUPSYON

KONTRA KAHIRAPAN

Napakaganda nang batas na ito kung tuluyang mapasa sapagkat hindi na muna kailangan n gating bansa magbayad ng utang. Pag nangyari ito, maaari nang mailaan ang lahat ng bugdet ng gobyerno para sa pagbuo ng komunidad na nasira ng pwersa ng kalikasan. At alam naman natin na ang Zambales at Olongapo ay kadalasang nasa gitna ng mga ganitong klaseng sakuna kaya naman malaki ang maitutulong nito sa ating muling pagbangon.

PANG MANLALAKBAY

Napakahirap magbiyahe lalong lalo na kung malayo ang destinasyon at napakaraming bitbit. Bukod sa mainit, maaari ring mabasa ng ulan. Kaya naman nais maipasa ang batas ng pagpapatayo ng mga waiting shed sa may balintawak toll gate para hindi na ganoon ka mamroblema ang mga taong pauwi ng probinsya habang nag-aantay ng masasakyan.

PANGKABATAAN

Ang ibang batas na katulong si Mitos na pinagdedebatihan pa sa Kongreso